"ಪ್ರಾರ್ಥನೆ ಮಾಡುವ ತುಟಿಗಳಿಗಿಂತ ಸಹಾಯ ಮಾಡುವ ಕೈಗಳು ಮೇಲು"

ಕಲ್ಯಾಣ ಕರ್ನಾಟಕ ಭಾಗದಲ್ಲಿ ಬಡ ಪ್ರತಿಭಾವಂತ ವಿದ್ಯಾರ್ಥಿಗಳು, ನಿರ್ಗತಿಕರು, ಅನಾಥರು, ಭಿಕ್ಷುಕರು, ಅಂಗವಿಕಲರು, ಬಡ ಕೂಲಿಕಾರ್ಮಿಕರು, ವಿಧವೆಯರು ಇವರೆಲ್ಲರ ಸಹಾಯಾರ್ಥವಾಗಿ ನವಚೇತನ ಚಾರಿಟೇಬಲ್ ಟ್ರಸ್ಟ್ (ರಿ.) ಅನ್ನು ಕಲಬುರಗಿ ನಗರದಲ್ಲಿ 2012ನೇ ಸೆಪ್ಟೆಂಬರ್ 5ರಂದು ಶಿಕ್ಷಕರ ದಿನದಂದು ಸ್ಥಾಪಿಸಲಾಗಿದೆ.

ಕಳೆದ 13 ವರ್ಷಗಳಿಂದ ಸಾವಿರಾರು ಬಡ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ವಿದ್ಯಾಭ್ಯಾಸದ ಸಹಾಯವನ್ನು ನೀಡುತ್ತಾ ಬರುತ್ತಿದ್ದು, ಭಿಕ್ಷುಕರು, ನಿರ್ಗತಿಕರು, ಅನಾಥರು, ಅಂಗವಿಕಲರು, ವಯೋವೃದ್ಧರು ಇಂತಹರಿಗೆ ಒಂದು ಹೊತ್ತಿನ ಊಟ, ಹಾಸಿಗೆ, ಹೊದಿಕೆ, ಬಟ್ಟೆಗಳು, ಸೀರೆಗಳನ್ನು ವಿತರಣೆ ಮಾಡುವ ಮೂಲಕ ಸಹಾಯ ಮಾಡುತ್ತಾ ಬಂದಿದ್ದೇವೆ.

ಮನೆ ಮನೆಗೆ ಕೆಲಸಕ್ಕೆ ಹೋಗುವ ಬಡ ಮಹಿಳೆಯರಿಗೆ, ನಸುಕಿನ ಜಾವ ಪತ್ರಿಕೆ ವಿತರಣೆ ಮಾಡುವ ಬಡ ಯುವಕರಿಗೆ, ಆಟೋ ಚಾಲಕರಿಗೆ ಸೀರೆಗಳು, ಸ್ವೆಟರ್ ಹಾಗೂ ಖಾಕಿ ಬಟ್ಟೆಗಳು ವಿತರಣೆ ಮಾಡಲಾಗಿದೆ. ಬಡ ಕೂಲಿ ಕಾರ್ಮಿಕರ ಮಕ್ಕಳಿಗೆ ಶಾಲಾ ಬ್ಯಾಗುಗಳನ್ನು ನೀಡಲಾಗಿದೆ.

ಕೊರೋನಾ ಲಾಕ್‌ಡೌನ್ ಸಮಯದಲ್ಲಿ ಸುಮಾರು 5000 ಬಡ ಕುಟುಂಬಗಳಿಗೆ ದಿನಬಳಕೆಯ ವಸ್ತುಗಳನ್ನು ವಿತರಣೆ ಮಾಡಲಾಗಿತ್ತು.

ಇಂದಿಗೂ ಕೂಡ ನಮ್ಮ ಟ್ರಸ್ಟ್ ಅನೇಕ ಸಾಮಾಜಿಕ, ಶೈಕ್ಷಣಿಕ, ಆರ್ಥಿಕ ಹಾಗೂ ಧಾರ್ಮಿಕ ಸೇವೆಗಳನ್ನು ಮುಂದುವರೆಸಿಕೊಂಡು ಸಾಗುತ್ತಿದೆ.

ನಿಮ್ಮ ಮನೆಯಲ್ಲಿ ಯಾವುದಾದರೂ ಕಾರ್ಯಕ್ರಮ ನಡೆಯುವ ಸಂದರ್ಭದಲ್ಲಿ, ಕಾರ್ಯಕ್ರಮ ಮುಗಿದ ನಂತರ ಉಳಿಯುವ ಆಹಾರ ಪದಾರ್ಥಗಳನ್ನು ವ್ಯರ್ಥ ಮಾಡದೇ, ದಯವಿಟ್ಟು ನಮ್ಮ ಟ್ರಸ್ಟ್‌ಗೆ ಫೋನ್ ಮಾಡಿ ತಿಳಿಸಿ. ನಾವು ಬಂದು ಅದನ್ನು ಸಂಗ್ರಹಿಸಿಕೊಳ್ಳುತ್ತೇವೆ.

ನಮ್ಮ ಟ್ರಸ್ಟ್ ನೀಡುತ್ತಿರುವ ಈ ಸೇವೆಯನ್ನು ಗುರುತಿಸಿ ಇತ್ತೀಚೆಗೆ ಮಧ್ಯವರ್ತಿ ಸರ್ಕಾರದ ತೆರಿಗೆ ಇಲಾಖೆ ವತಿಯಿಂದ 80G ಹಾಗೂ 12A ಪ್ರಮಾಣಪತ್ರವನ್ನು ನೀಡಲಾಗಿದೆ. ಇದರಿಂದ ತೆರಿಗೆ ಪಾವತಿಸುವವರು ನಮ್ಮ ಟ್ರಸ್ಟ್‌ಗೆ ದೇಣಿಗೆ ನೀಡಿ ತೆರಿಗೆ ರಿಯಾಯಿತಿ ಪಡೆಯಬಹುದು.

ಪ್ರತಿಯೊಬ್ಬರಲ್ಲೂ ನಮ್ಮ ವಿನಮ್ರ ಮನವಿ ಎಂದರೆ — ನಮ್ಮ ಟ್ರಸ್ಟ್ ಇನ್ನಷ್ಟು ಉನ್ನತ ಮಟ್ಟದಲ್ಲಿ ಬೆಳೆಯಬೇಕಾದರೆ ಮತ್ತು ಇನ್ನಷ್ಟು ಉತ್ತಮವಾಗಿ ಸಮಾಜಸೇವೆ ಮಾಡಬೇಕಾದರೆ, ನಿಮ್ಮ ಮೌಲ್ಯಯುತ ಸಲಹೆ, ಸಹಕಾರ, ಮಾರ್ಗದರ್ಶನ ಹಾಗೂ ತನು-ಮನ-ಧನದ ಸಹಾಯ ಬಹಳ ಅಗತ್ಯವಾಗಿದೆ.

ಆದ್ದರಿಂದ, ನಿಮ್ಮಿಂದ ಎಷ್ಟು ಸಾಧ್ಯವೋ ಅಷ್ಟು ಸಹಾಯ ಮಾಡುವ ಮೂಲಕ, ನಮ್ಮ ಟ್ರಸ್ಟ್‌ನ ಸಮಾಜ ಸೇವೆಯಲ್ಲಿ ಕೈಜೋಡಿಸಿ, ಸಹಭಾಗಿಯಾಗಬೇಕೆಂಬ ಒಂದು ಕಳಕಳಿಯ ವಿನಂತಿ.